സംസ്ഥാനത്ത് വെളുത്തുള്ളി വില കിലോയ്ക്ക് 200 നോട് അടുക്കുന്നു. കിലോയ്ക്ക് 190 ലെത്തി. ചെറിയ ഉള്ളിയുടെ വില കിലോയ്ക്ക് 70 രൂപയായി. 25 രൂപയാണ് കൂടിയത്. സവാളയ്ക്ക് 15 രൂപ വര്‍ധിച്ച് 60 ലെത്തി. ഉരുളക്കിഴങ്ങിന് നാല്‍പ്പത് രൂപയിലെത്തി. തക്കാളിയുടെ നിരക്കും വര്‍ധിച്ചു.

സംസ്ഥാനത്ത് മറ്റ് പച്ചക്കറി ഇനങ്ങളുടെ വിലയും കുതിച്ചുയരുകയാണ്. കാലാവസ്ഥാ മാറ്റമാണ് വിലക്കയറ്റത്തിന് കാരണമെന്ന് കച്ചവടക്കാര്‍ പറയുന്നു. പച്ചക്കറികള്‍ ഉത്പാദിപ്പിക്കുന്ന സംസ്ഥാനങ്ങളില്‍ കാലാവസ്ഥ പ്രതികൂലമായതാണ് വില ഉയരാന്‍ കാരണമെന്ന് ഇവര്‍ വിശദീകരിക്കുന്നു. പലയിടത്തും കാലംതെറ്റി പെയ്യുന്ന മഴയാണ് വിനയായത്.