അതി തീവ്ര മഴയുടെ സാഹചര്യത്തിൽകേരളത്തിലെ പെരിയാർ, വളപട്ടണം, കുതിരപ്പുഴ, കുറുമൻപുഴ തുടങ്ങിയ പുഴകളിൽ അപകടകരമായ രീതിയിൽ ജലനിരപ്പുയർന്നതായി കേന്ദ്ര ജല കമ്മീഷൻറെ പ്രളയ മുന്നറിയിപ്പ് സംവിധാനത്തിൽ നിന്ന് അറിയിച്ചിരിക്കുന്നു.
കൂടാതെ മഴ തുടരുന്ന സാഹചര്യത്തിൽ പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, കോഴിക്കോട്,വയനാട്, കണ്ണൂർ, കാസർഗോഡ് എന്നീ ജില്ലകളിലൂടെ ഒഴുകുന്ന നദികൾ കര കവിഞ്ഞൊഴുകാൻ സാധ്യതയുണ്ടെന്നും ഈ ജില്ലകളിൽ പ്രളയ സാധ്യതയുണ്ടെന്നും കേന്ദ്ര ജല കമ്മീഷൻ (cwc) മുന്നറിയിപ്പ് നൽകുന്നു നദിക്കരകളിലുള്ളവർ അതീവ ജാഗ്രത പാലിക്കുക
വയനാട് മേപ്പാടി പൂത്തുമലയിൽ വൻ ഉരുൾപൊട്ടലുണ്ടായി നിരവധി പേരെ കാണാതായെന്ന് റിപ്പോർട്ട്. തൊഴിലാളികൾ വസിക്കുന്ന ലായങ്ങളും ഒരു പള്ളിയും അമ്പലവും വാഹനങ്ങളും മണ്ണിനടിയിലാണെന്നാണ് ലഭ്യമായ വിവരം. പ്രദേശത്തേക്ക് എത്താനാകുന്നില്ലെന്ന് സി കെ ശശീന്ദ്രൻ എംഎൽഎ അറിയിച്ചു. സാധ്യമായ എല്ലാം ചെയ്യുമെന്ന് റവന്യൂ മന്ത്രി ഇ ചന്ദ്രശേഖരൻ പ്രതികരിച്ചു. കേന്ദ്ര ദുരന്തനിവാരണ സേന പ്രദേശത്തേക്ക് തിരിച്ചിട്ടുണ്ട്. കഴിഞ്ഞ 4-5 ദിവസങ്ങളായി പ്രദേശത്ത് കനത്ത മഴ തുടരുന്നുണ്ടായിരുന്നു. ഇന്ന് ഉച്ചയ്ക്ക് ശേഷം മേഖലയിൽ മേഘവിസ്ഫോടനം സംഭവിച്ചതായും വിവരങ്ങളുണ്ട്.
മഴക്കെടുതി രൂക്ഷമായ സാഹചര്യത്തിൽ രക്ഷാപ്രവർത്തനത്തിന് വായുസേനയുടെ സഹായം തേടി വയനാട്, മലപ്പുറം ജില്ലകളിൽ രക്ഷാപ്രവർത്തനത്തിനാണ് ഹെലികോപ്റ്റർ സഹായം തേടിയത് അടിയന്തരമായി നടപടി സ്വീകരിക്കാൻ മുഖ്യമന്ത്രി ദുരന്തനിവാരണ അതോറിറ്റിക്ക് നിർദ്ദേശം നൽകിയിരുന്നു.
സംസ്ഥാനത്ത് മഴ ശക്തമാകുന്ന സാഹചര്യത്തിൽ ദുരന്തനിവാരണ പ്രവർത്തനങ്ങളിൽ സൈന്യത്തിന്റെ സഹായം തേടി. മുഖ്യമന്ത്രിയുടെ നിർദ്ദേശപ്രകാരമാണ് സംസ്ഥാന ദുരന്തനിവാരണ അതോറിറ്റി സൈന്യത്തെ ആവശ്യപ്പെട്ടത്. മിലിട്ടറി എഞ്ചിനിയറിംഗ് ടാസ്ക് ഫോഴ്സിന്റെ സംഘത്തെ അയക്കണമെന്നും കേരളം ആവശ്യപ്പെട്ടു. വയനാട്, കണ്ണൂർ, ഇടുക്കി, മലപ്പുറം, കോഴിക്കോട്, എറണാകുളം, പത്തനംതിട്ട, ആലപ്പുഴ ജില്ലകളിലേക്കാണ് സേവനം ആവശ്യപ്പെട്ടത്.
അട്ടപ്പാടി ചുരത്തില്‍ മരം വീണ് ഗതാഗതം തടസ്സപ്പെട്ടു
കട്ടപ്പനയില്‍ ഉരുള്‍ പൊട്ടലില്‍ നാശനഷ്ടം
നിലമ്പൂര്‍ ടൗണില്‍ ഒരാള്‍ പൊക്കത്തില്‍ വെള്ളം കയറി. ഇത് ഗതാഗത തടസത്തിന് ഇടയാക്കിയിരിക്കുകയാണ്.
നിലമ്പൂര്‍ കരുളായി മുണ്ടാകടവ് കോളനിയിലും ആഢ്യന്‍പാറ വന മേഖലയിലും ഉരുള്‍പൊട്ടലുണ്ടായി. ചാലിയാറിന്റെ തീരങ്ങള്‍ വെള്ളപ്പൊക്ക ഭീഷണിയിലാണ്.
മൂന്നാറില്‍ വെള്ളപ്പൊക്കം. വീടുകളില്‍ വെള്ളം കയറി.പ്രധാനപാതകളില്‍ ഗതാഗതം തടസ്സപ്പെട്ടു. ഇടുക്കി എറണാകുളം റൂട്ടില്‍ ഗതാഗതം തടസപ്പെട്ടു.
അട്ടപ്പാടി ഗാന്ധിനഗറില്‍ മണ്ണിടിച്ച് ഒരാള്‍ അടിയില്‍ അകപ്പെട്ടു.
കണ്ണൂരില്‍ കുപ്പം പുഴ കരകവിഞ്ഞൊഴുകുന്നു. റോഡുകള്‍ വെള്ളത്തിനടിയിലായി.
അട്ടപ്പാടി ഭവാനി പുഴയിൽ വെള്ളം കയറുന്നു.
പെരിങ്ങല്‍ക്കുത്ത് ഡാമില്‍ വീണ്ടും ജലനിരപ്പ് ഉയര്‍ന്നു; സ്യൂയിസ് വാല്‍വ് തുറന്നു; ചാലക്കുടി പുഴയുടെ തീരത്തുള്ളവര്‍ ജാഗ്രത പാലിക്കണമെന്ന് അധികൃതര്‍
കോട്ടയം കുമളി റൂട്ടില്‍ ബസ് സര്‍വീസ് മുടങ്ങി, മീനച്ചലാര്‍ കരകവിഞ്ഞൊഴുകുന്നു.
കനത്ത മഴയില്‍ അപ്പര്‍ കുട്ടനാട്ടില്‍ കനത്ത കൃഷിനാശം. താഴ്ന്ന പ്രദേശങ്ങള്‍ വെള്ളത്തിനടിയില്‍