പൗരത്വ ഭേദഗതി നിയമത്തിനെതിരെ യൂത്ത് ലീഗിന്റെ നേതൃത്വത്തില്‍ പങ്കെടുത്ത പ്രതിപക്ഷ ഉപനേതാവ് എം കെ മുനീറും യൂത്ത് ലീഗ് സംസ്ഥാന സെക്രട്ടറി പി കെ ഫിറോസിനെയും അറസ്റ്റ് ചെയ്തു. കോഴിക്കോട് പോസ്‌റ്റോഫീസ് ഉപരോധത്തിനിടെയായിരുന്നു അറസ്റ്റ്.
മുനീറിനെയും ഫിറോസിനെയും അറസ്റ്റ് ചെയ്യുന്നത് പ്രവര്‍ത്തകര്‍ തടഞ്ഞു. ഇത് സംഘര്‍ഷത്തിനിടയാക്കി. പ്രവര്‍ത്തകര്‍ റോഡില്‍ കുത്തിയിരുന്ന് പ്രതിഷേധിച്ചു. നിരവധി പ്രവര്‍ത്തകരും അറസ്റ്റിലായിട്ടുണ്ട്.
മലപ്പുറം ഹെഡ്‌പോസ്‌റ്റോഫീസില്‍ നടന്ന ഉപരോധ സമരത്തില്‍ പി കെ കുഞ്ഞാലിക്കുട്ടി എം പിയും പങ്കെടുത്തു. രാവിലെ ഏഴര മുതലാണ് പ്രവര്‍ത്തകര്‍ സമരം ആരംഭിച്ചത്. തിരുവനന്തപുരത്ത് ജനറല്‍ പോസ്‌റ്റോഫീസിലേക്ക് തള്ളിക്കയറാന്‍ ശ്രമിച്ച പ്രവര്‍ത്തകരെയും അറസ്റ്റ് ചെയ്തു നീക്കി.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം