വാരിയംകുന്നത്ത് കുഞ്ഞഹമ്മദ് ഹാജി ബ്രിട്ടീഷ് സാമ്രാജ്യത്തിനെതിരെ പൊരുതിയ പടനായകനെന്ന് മുഖ്യമന്ത്രി പിണറായി വിജയന്‍. നമ്മുടെ നാട്ടില്‍ ധീരമായ രീതിയില്‍ പടപൊരുതിയ നായകനാണ്. മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി പിണറായി വിജയന്‍.
സിനിമയെക്കുറിച്ചുള്ള വിവാദം ശ്രദ്ധയില്‍പ്പെട്ടിട്ടില്ല. വാരിയംകുന്നത്ത് കുഞ്ഞഹമ്മദ് ഹാജി ഒരു പടനായകനാണെന്ന് ഓര്‍ക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. അദ്ദേഹത്തെ ആദരിച്ചാണ് കേരളം എല്ലാകാലത്തും പോയിട്ടുള്ളത്. വര്‍ഗീയതയുടെ ഭാഗമായി മറ്റെന്തെങ്കിലും വരുന്നുണ്ടോയെന്ന് തനിക്ക് അറിയില്ലെന്നും മുഖ്യമന്ത്രി പിണറായി വിജയന്‍ പ്രതകരിച്ചു.
പൃഥ്വിരാജിനെ നായകനാക്കി ആഷിക് അബു സംവിധാനം ചെയ്യുന്ന വാരിയംകുന്നന്‍ എന്ന ചിത്രം ഇന്നലെയാണ് പ്രഖ്യാപിച്ചത്. ഇതിന് പിന്നാലെ സംഘപരിവാര്‍ അനുകൂലികള്‍ സൈബര്‍ ആക്രമണം തുടങ്ങിയിരുന്നു. ബിജെപിയും ചിത്രത്തിനെതിരെ രംഗത്തുണ്ട്.