ആന്ധ്രയില്‍ ആഭിചാരക്രിയയുടെ ഭാഗമായി അധ്യാപക ദമ്പതികള്‍ പെണ്‍കുട്ടികളെ കൊന്നത് ഏറെനാളത്തെ ആസൂത്രണത്തിന് ശേഷമെന്ന് പൊലീസ്. വീട്ടില്‍ നടക്കുന്ന പൂജകളെക്കുറിച്ച് പെണ്‍കുട്ടികള്‍ക്കും അറിയാമെന്നാണ് പൊലീസ് കരുതുന്നത്. പെണ്‍കുട്ടികളുടെ പെരുമാറ്റത്തില്‍ മാറ്റം വന്നതായി പരിചയക്കാര്‍ പൊലീസിന് മൊഴി നല്‍കിയിട്ടുണ്ട്. സോഷ്യല്‍ മീഡിയയിലെ പോസ്റ്റുകളിലും ദുരൂഹതയുണ്ട്.
പൂജ കഴിഞ്ഞതിന് ശേഷം ത്രിശൂലം ഉപയോഗിച്ചാണ് സായി ദിവ്യയെ രക്ഷിതാക്കള്‍ കൊലപ്പെടുത്തിയത്. ഡംബല്‍ കൊണ്ട് തലയ്ക്കടിയേറ്റാണ് ആലേഖ്യ കൊല്ലപ്പെട്ടത്. കലിയുഗം കഴിഞ്ഞെന്നും സത്യയുഗം പിറന്നാല്‍ മക്കള്‍ പുനര്‍ജ്ജനിക്കുമെന്നായിരുന്നു രക്ഷിതാക്കള്‍ പൊലീസിനോടും പരിചയക്കാരോടും പറഞ്ഞിരുന്നത്.
അറസ്റ്റിലായ പുരുഷോത്തം നായിഡുവിനെയും പദ്മജയെയും പൊലീസ് ചോദ്യം ചെയ്യുകയാണ്. സിസിടിവി ദൃശ്യങ്ങള്‍ ഉള്‍പ്പെടെയുള്ള തെളിവുകള്‍ പൊലീസ് ശേഖരിച്ചിട്ടുണ്ട്.