മൂന്ന് വര്‍ഷങ്ങളായി മറച്ചുവെച്ചിരുന്ന കര്‍ഷക ആത്മഹത്യാ കണക്ക് പുറത്തുവിട്ട് കേന്ദ്ര സര്‍ക്കാര്‍. ആഭ്യന്തരമന്ത്രാലയം പുറത്തിക്കിയ നാഷണല്‍ ക്രൈം റെക്കോഡ്‌സ് ബ്യൂറോയുടെ രേഖകള്‍ പ്രകാരം 2016ല്‍ മാത്രം ആത്മഹത്യ ചെയ്തത് 11,379 കര്‍ഷകര്‍. എല്ലാ മാസവും 948 കര്‍ഷകര്‍. ഓരോ ദിവസവും 31 കര്‍ഷകര്‍ ജീവിതം അവസാനിപ്പിക്കുന്നു.
ആത്മഹത്യ ചെയ്യുന്നവരില്‍ 8.6 ശതമാനം സ്ത്രീകളെന്ന് എന്‍സിആര്‍ബി രേഖകള്‍
ബിജെപി ഭരിച്ചിരുന്ന മഹാരാഷ്ട്രയിലാണ് 2016ല്‍ ഏറ്റവും കൂടുതല്‍ കര്‍ഷകര്‍ ജീവനൊടുക്കിയത്. 2016ല്‍ 3,661 കര്‍ഷകര്‍ ആത്മഹത്യ ചെയ്തു. 2014ല്‍ 4,004ഉം 2015ല്‍ 4,921 കര്‍ഷകരും മഹാരാഷ്ട്രയില്‍ ജീവിതം അവസാനിപ്പിച്ചു. 2013 മുതല്‍ 2018 വരെയുളള കാലയളവില്‍ 15,356 കര്‍ഷകര്‍ ജീവനൊടുക്കിയെന്ന് അടുത്തിടെ നല്‍കിയ വിവരാവകാശ രേഖകള്‍ വ്യക്തമാക്കുന്നു. കര്‍ണാടകയാണ് കര്‍ഷക ആത്മഹത്യയില്‍ രണ്ടാം സ്ഥാനത്ത്. 2016ല്‍ 2,079 2015ല്‍ 1,569 ഉം പേര്‍ ജീവനൊടുക്കി.
എന്‍സിആര്‍ബി കര്‍ഷക ആത്മഹത്യകളുടെ കണക്ക് പുറത്തുവിടാന്‍ തുടങ്ങിയത് 1995ലാണ്. 2016വരെ 3,33,407 കര്‍ഷകര്‍ ജീവനൊടുക്കിയെന്നാണ് ഔദ്യോഗിക രേഖകള്‍ പറയുന്നത്. യഥാര്‍ത്ഥ കണക്കുകള്‍ ഇതിലും ഏറെയാണെന്ന് ചൂണ്ടിക്കാട്ടപ്പെട്ടുന്നു.
മദ്ധ്യപ്രദേശ്
2014-1181 കര്‍ഷകര്‍
2015-1290 കര്‍ഷകര്‍
2016-1321 കര്‍ഷകര്‍
ആന്ധ്രപ്രദേശ്
2014- 632 കര്‍ഷകര്‍
2015- 916 കര്‍ഷകര്‍
2016- 804 കര്‍ഷകര്‍
ഛത്തീസ്ഗഢ്
2014- 854 കര്‍ഷകര്‍
2015- 954 കര്‍ഷകര്‍
2016- 682 കര്‍ഷകര്‍
‘ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം